مانك طليقة يد .. دوني ودونك حد .. لا لك جناح اتطيري .. وطيري طليق ايطير .. يرحل مسافات ومدى .. سارح طليق سراح .

الخميس، 20 سبتمبر 2012


لا لك جناح اتطيري .. وطيري الطليق ايطير
يرحل مسافات ومدى سارح طليق سراح
ومانك وفيه تغيري .. وطيري الطليق ايغير
لو حام حول وكره عدو ما يتوه في مرواح
......
وانت سرحتي ما كمل مسراحك
و انت انجرحتي والسبب في اجراحك
بيدك حنيتي هامتك ذلك عدو ذليتي
اغفلتي .. اغدرتي .. خبلك قيد العدا جافيتي
ونا ما خضعت لذل، الحر العفيف ما يرتضي بالذلة
لا من رجاك نمل ، يا ترجعي رجعة وفا ويرجع خليل لخله
يا تذوب م الخطى الحصا ونصلك العينة بالله
....
لا بان في ليلك قمر
لا فاض ع الضفة النهر
ايش الخبر ؟
...
اغرب عليك مغرب الله وانت كما انت ما تغير حال
ليل المراجى طال
..ياللي طويل رحالك
ياللي صعيبة احوالك
امتا اصداف يلمنا ونزها بعد مشغالك
اغرب عليك مغرب الله وانت كما انت ما تغير حالك

الاثنين، 14 مايو 2012

اغرب عليك مغرب الله



اغرب عليك مغرب الله وأنتي كما أنتي ما تغير حالك
انحن لقديم سوالك
ياللي كثيرة مواجعك ياللي صعيبة أحوالك
امتى أصداف يلمنا ، ونزها بعد مشغالك

هالعين ما غفت مسا ، لاهمدت في ليل ..
... وهالعين .. ما هانت غلا ، لا ع المسار تميل ..
أنا وين ..؟ وانتي وين ..؟


اغرب عليك مغرب الله وانتي كما ا انتي
ذابلة .. خسارة ربيع يصيف

لا بان في ليلك قمر
لا جاد في غيمك مطر
لا هاج في شطك بحر
تنسي وليفك كيف ..؟

و انا في سماك نجوم وقادة وقمر يضوي مسارب ليل
و انا في شتاك غيوم ودادة ومطر دافق عقابه سيل

نا وين ..؟ وانتي وين ..؟
مانك طليقة يد ..
دوني ودونك حد ..

لالك جناح اتطيري ..
وطيري طليق ايطير .. يرحل مسافات ومدى سارح طليق سراح .

الاثنين، 7 مايو 2012

أنين الجرح


فيكمش من سامع انين الجرح .. فيكمش من وقف نزيفي
فيكمش من بدل الدمعة بفرح .. فيكمش من نلقى وليفي
......
اواه .... من يسمع نداي ..
اواه ... من حس بشكاي ..
دورت..
 ما لقيت لنزيف جرحي دوا .. لا سكت  فيا سطير الجرح
اصورت ..
ما لقيت لخريف عمري هنا.. لا هطل غيمي وهل الفرح
...
صامت .. وصايم  .. صاعبات  اظروفي
صامت .. وصايم  .. يا عيوني شوفي
ما بين غربة وغربة ليلي كمل وكملت
ما بين غربة وغربة كم من سوايا حملت
حيلي انهد / وجمري خمد / يا عيون بيا روفي
....
ذبلت مزاهر عمري وصافت اوراق خريفي
فيكمش من سامع انين الجرح فيكمش من وقف نزيفي ..؟

مرحبا بك..
 شاركنا التحليق فوق جروح الاغتراب النازفة ..

.